Scavannu cu li mani

di Filippo Scolareci

 

Avia passatu calmu lu beddu tramontu,

vicina era l’ura i manciari e tuttu era prontu,

pi l’aria svulazzavuno pinseri e fantasia,

tuttu paria calmu e beddu comu ‘na magia.

 

La sira precedenti tuttu era filatu rittu,

la notti avia scurrutu silenziusa ‘nta lu strittu,

Ma quannu passaru li cincu di matina,

si sintivu ‘nu scoppiu chiù potenti di ‘na mina.

 

Lu scuotimentu principiau propriu in funnu,

eccu all’impruvvisu ca cuminciau lu finimunnu.

Povira, scunsulata e disgraziata Missina,

comu putisti addivintari da sira a la matina.

 

Eri bedda, ‘nvidiata e china di monumenti,

ma ‘nta na sula botta non ti ristau quasi nenti.

Cu la prima fortissima e inaspittata scossa,

puru a li poviri morticeddi ci trabballaru l’ossa.

 

Tuttu fu sballuttatu comu carti e fogghi o ventu,

quannu principiau ‘ddu tremendu movimentu.

Ma appena si calmaru li chiù tremendi botti,

li navi straneri pi dari l’aiutu canciaru li so rotti.

 

Vinniru subitu i ‘Ngrisi, i Russi e li Mericani,

 mittennusi a scavari ‘nta li maceri puru cu li mani,

mentri un nostru nobili c’avia a malapena coordinari,

si dimustrau sulamenti incapaci di cumannari.

 

Quantu beddi palazzi avianu ristatu addritta,

ma pi la troppa ‘ngnuranza ‘nni ficiru minnitta.

Sutta sta razza ingrata cent’anni oramai passaru,

e quasi tutti quanti scarsu attaccamentu dimustraru.

 

Ma l’omu non s’avissi scurdari da so passata gloria,

picchì fa parti di lu so sangu e da so bedda storia.

 

 

Prima classificata al “Premio Nazionale Colapesce 2008” in data 12/11/2008 in occasione del Centenario del tremendo terremoto di Messina, avvenuto il 28/12/1908.

Menu Video

Gallerie Fotografiche

Il Santo del giorno

Santo del giorno

san francesco d'assisi pastore e martire