Granatari

C'è un anguleddu ch'è 'nu paradisu

unni li fasti su dannu cunvegnu

e cu 'ddu malus so' surrisu

'ntricciunu danzi cu 'ranni cuntegnu.

 

Scurri la vita duci 'nta 'stu regnu

fattu di gioia, di paci e d'amuri,

un << Macaggiggi >> si pigghiau d'impegnu

e lu vistiu d'albiri e di ciuri….

 

Cu la bacchetta d'oru cumana:

- Luna d'argentu, stiddi risplinnenti,

non vi muviti 'i ccà, - e li firmau

supra 'stu locu tantu siducenti.

 

Pi megghiu farla poi scritturau,

un'orchestrina ch'è un veru purtentu:

<<U figghiu  >> 'i bonna matri – no sbagghiau,

non sunnu assai, ma fannu pi centu.

 

C'è lu maestru  chi non havi abbentu

e di 'sta  terra bedda è onuri e vantu,

artista giniali e di talentu

chi quannu sona e 'nu veru 'ncantu.

 

Valziri, sammi, fucusi baioni,

chi mettunu lu focu 'ntra li vini...

'a vera cura su' pi stari boni

essennu megghiu di li vitamini.

 

La gioia canta li megghiu canzuni

e l'accumpagna 'u murmuriu du mari...

viniti missinisi 'nta 'sta gnuni

viniti furisteri a Granatari.

 

L'amuri vi surridi e l'alligria

vi fa passari la malincunia.

 

 Leopoldo Siricio

Questa poesia Siricio la dedica al proprietario del Ritrovo Granatari  Avv. Giuseppe Piccione.

 

 

 

 

Menu Video

Gallerie Fotografiche

Il Santo del giorno

Santo del giorno

san francesco d'assisi pastore e martire