- Com'è beddu lu mari stamatina!
Turchinu e sunnulentu, e ù mè amuri
si dondola cù mmia.
U cielu pari n'a cuperta votiva.
Nnatamu vicini e nn'amurati.
Idda è 'na gioia
a vidirla chi saitta n'tra l'ondi
e iò chi curru e a strinciu forti ammia.
Semu suli e tuttu l'universu
pari misu dda sulu pì nnui.
Sugnu distrattu da tutta à sò biddizza
ohh disgraziatu oh spruvvidutu
comu potti essiri accussì imprudenti!!
E' troppu taddu, è troppu taddu!!
….Sentu luntanu
n'ù rombu di muturi!...
m'attirrisciu!!
pigghiu à mè cumpagnedda
e scappu intra à l'ondi.
Curremu curremu curremu.
A schiuma ianca dì l'ondi mi cunfunni.
Nun sentu chiù ù sò corpu accanto ammia
mi votu mi rivotu à ceccu cù l'occhi
à ceccu cù ù mè corpu!!
dispiratu sugnu dispiratu.
Mi mettu nt'ò menzu di sta guerra
si mè bedda sirena fui, fui, fuiiiiii!!.
Nenti cì po'.
Arruvaruuuuuu!!!!.
Fraguri di vuci e di muturi.
Vidu saittari n'à lama china ì suli.
Vidu l'ù mari inchirisi dì russu.
A mè bedda cumpagnedda
strascinata e scunquassata
scappa ò mè abbrazzu!!
Pazzu, curru vessu à barca.
Ma già idda è già à pennuluni idda!….
…..non chiù sirena ntò mari.
E sulu lacrimi ….cunfunnuti
tra ù russu di lu mari.
Elvira@Bordonaro.