Comu 'nu passareddu abbannunatu
di la cumpagna soi, senza ragiuni,
mi sentu sulu sulu e scunfurtatu
e passu lu me' tempu 'nta 'na gnuni.
Fineru li rispetti e li primuri:
nenti cchiù sugnu, cosa di ittari;…
i gioi s'i scurdaru e i mè duluri
e penza sulamenti li dinari.
Scurri la vita tristie senza amuri
pi mia non c'è cchiù nenti di spirari,
fineru li carizzi, e tutti l'uri
non sacciu a quali santu m'è vutari.
Certu accussì non po’ cuntinuari
'sta vita amara, e pregu lu Signuri
li sentimenti mi ci fa canciari
e mi ritorna a mia senza rancuri.
Si u ciriveddu poi non è canciatu:
mugghi sulu chi mal'accumpagnatu.
Leopoldo Siricio